小小香港窮學生

下面有詳盡字幕 =) 請按繼續閱讀

一個為自由行遊客而設既一個環節

笑~談~廣~東~話

大家好，歡迎大家收聽笑談廣東話

我係你地既節目主持人地下王，我係夫人

今集我地會教大家啲廣東話嫁

嗱！聽著，如果係一個苦不堪言既情況下

哎呀！但係又唔知用咩說話黎代表當其時既感受既話

廣東話你就可以講「真係苦過dee dee」

好啦，姐係話如果有一日你黎到香港

飲香港特式既涼茶寶龜靈膏，點知一食落口

非常之苦，你就可以指住樽龜靈膏叫「真係苦過dee dee」呀

又或者指住隻龜大叫「真係苦過dee dee」

又或者指住個胡鬚佬大叫「真係苦過dee dee」

又或者當你知道徐嘉慎大律師用左百幾萬打官司保護維港

最後都係輸左，咁你就可以去到維港

哎呀，然後你又發現維港真係好靚喎

你就可以對住用黎填海既果堆泥沙大叫「真係苦過dee dee」

而最慘既就係，之後你發現維港巨星匯既壓軸嘉賓

(人名) 拒絕黎香港表演，咁你就可以指住其他要黎香港既維港巨星大嗌「真係苦過dee dee」

好啦!如果有一日你見到，其中一個巨星(人名)係廟街市拖鞋

誰不知呢，佢就將個拖鞋踩落地，又俾人打啦

係尼個情況，你就可以指住(人名)個頭大嗌「真係苦過dee dee」

如果你星期五咁岩聽收音機

聽到森美小儀個節目發現阿成又輸左

要飲苦瓜汁，咁你就可以對住個收音機大喝一聲「真係苦過dee dee」

好啦，當然啦，大家學識左「真係苦過dee dee」尼句說話之後呢

都係時間要再進一步啦

若然你係街果度就咁講「真係苦過dee dee」

香港人都會覺得你係一個普通人黎嫁姐

唔係好特別，我地一定要講啲比香港人更加西利既廣東話先可以

啦!例如係點樣呢，例如係你食左啲野係甜既時間

你會講咩呀?

「真係甜過dee dee」

當然唔係啦

dee dee係苦既

所以我地先會有講「真係苦過dee dee」

甜既呢應該係講

「真係甜過妹妹」呀

冇錯啦!甜既記住 當你食左好甜既CAKE TEA既時候

你就要大叫「真係甜過妹妹」

咁鹹呢? 「真係鹹過爺爺」

咁腥呢?「真係腥過奶奶」

咁騷呢?「真係騷過uncle」

好啦 咁大家記住點用啦喎

今日節目時間差唔多啦 下集再會