小小香港窮學生

下面有詳盡字幕 =) 請按繼續閱讀

係自由行熱潮之下

一個為自由行遊客而設既一個環節

笑~談~廣~東~話

各位歡迎收聽笑談廣東話

各位自由人

我係你既節目主持人利孝王，我係夫人

嗱!自由人，黎到香港旅行要講好既廣東話係好緊要既

如果唔係啲香港人就會睇你唔起嫁啦

嗱!今日將會教大家既廣東話就係

若然你發現一樣野好抵，你點都買嫁啦

廣東話點講呢 聽住啦喎

「老虎蟹都濟」

開始例子啦喎

如果你有一日去到老麥買優惠餐

個店員同你講話 加兩蚊可以換杯特大既汽水埋特大既薯條

咁係咁既情況 話咁抵

你就可以指住個店員話「老虎蟹都濟」

大聲啲 「老虎蟹都濟」 ，冇錯啦

如果你有一日去酒樓飲茶 食完晒野之後呢

而家好多時啲伙記都話送個甜品俾你既

問你要唔要，嘩尼個時候有甜品送

你緊係可以指住個伙記大嗌 「老虎蟹都濟」

如果有一日你去到香港既摩羅街就買尼個古董

發現一個玉如意

老闆話:原價萬五，而家特價五百

咁係尼個咁抵既情況之下

你就可以指住個玉如意大嗌「老虎蟹都濟」

嗱!點解要講咁大聲同咁多次呢?

因為原價萬五減到五百就真係「老虎蟹都濟」

好啦!點知你番到屋企既時候

發現枝玉如意係螢光棒黎既

你拎住枝螢光棒就番去間古董店

諗住退貨啦，點知有另一個自由人話萬五蚊幫你買左佢

咁係尼個時候，你緊係指住尼個自由人大喝一聲「老虎蟹都濟」

但係，當你賣左俾個自由人之後

你先發現果枝真係玉如意

咁你緊係即刻用兩萬蚊買番枝玉如意番黎啦

點知，一番到屋企你就發現原來果枝真係一枝螢光棒黎嫁

咁如果你咁蠢，都有人要你既呢

你就指住肯要你既伴侶大喝一聲 「老虎蟹都濟」

係啦，然之後送左枝螢光棒俾佢

好啦，若然你發現果樣野俾起「老虎蟹都濟」更加抵

更加想要既話，就要改一改啦

尼一個呢，香港人仲未發明嫁

只要你係果個時刻講左出黎呢，香港人就會對你另眼相看

若然你發現果樣野荀過「老虎蟹都濟」既話

你就可以大嗌一聲「大閘蟹都濟」

點解呢，因為近排大閘蟹岩岩當造

香港人好鍾意食大閘蟹嫁

所以呢，你見到一啲野好抵既時候

就算係十蚊六個生果既 你都可以對住啲生果大嗌「大閘蟹都濟」